सुन्दरहरैचामा बन्नेभो विश्वकै अग्लाे गाईकाे प्रतिमा

  • १८ भाद्र २०७५, सोमबार
  • 1657 पटक पढिएको

सुन्दरहरैचा, माेरङ/ सुन्दरहरैचा नगरपालिका वार्ड नं ५ नयाँ वृन्दावन गाैशालामा विस्वकै सवभन्दा अग्लाे गाईकाे प्रतिमा बन्ने भएकाे छ ।

श्री राघेश्याम सेवाा ट्रष्ट नयाँ वृन्दावन सुन्दरहरैचा ५ ले कृष्ण जन्माष्ठमी दिन पारेर संचालन गरेकाे कार्यक्रममा संघीय मामिला तथा सामान्य प्रशासन मन्त्रालयका सचिव दिनेशकुमार थपलियाले साे प्रतिमाकाे शिलन्यास गरेका हुन ।

प्रतिमाकाे शिलान्यास तथा नृत्य प्रतियाेगिता समेत रहेकाे साे कार्यक्रममा सुन्दरहरैचा नगरपालिका प्रमुख शिवप्रसाद ढकाल, उपप्रमुख धनमाया तामाङ, बरिष्ट साहित्यकार अनिल पाैड्याल लगायत विशिष्ठ व्यक्तित्वहरुकाे सहभागिता रहेकाे थियाे ।

समाराेहलाई संवाेधन गर्दै प्रमुख अतिथि संघीय मामिला तथा सामान्य प्रशासन मन्त्रालयका सचिव दिनेशकुमार थपलियाले अामाकाे महत्वका वारेमा दर्शाउँदै सुन्दरहरैचामा वन्दै गरेकाे गाैमाताकाे प्रतिमाले यस क्षेत्रलाई धार्मिक पर्यटनकाे केन्द्रविन्दु वनाउने वताए ।

मेयर शिवप्रसाद ढकालले सुन्दरहरैचालाई सहि अर्थमा विकासकाे बगैँचा वनाउने तर्फ लाग्नु पर्ने कुरामा जाेड दिएका थिए ।

साे अवसरमा उपप्रमुख धनमाया तामाङ, साहित्यकार अनिल पाैडेल लगायतका महानुभावहरुले मन्तव्य राखेका थिए ।

नगरकै गाैरवकाे याेजनाकाे रुपमा रहेकाे यस गाैशाला वृन्दावनकाे विकासकाे लागि भनेर नगरपालिकाले अा.व. २०७५/७६ रु १ कराेड वजेट छुट्याएकाे छ ।

सोमबार शिलन्यास भएकाे मूर्ति १०० फिट लम्वाईकाे हुने वताईएकाे छ ।

गंगादेवि काफ्लेकाे अध्यक्षतामा सम्पन्न उक्त कार्यक्रमकाे संचालन रामप्रसाद भट्टराईले गरेका थिए ।

साथै साेहि अवसरमा विद्यालयस्तरीय नृत्य प्रतियाेगिता पनि संचालय भएकाे थियाे ।