लक्ष्मीमार्ग, मोरङ / जिल्ला वन कार्यालय मोरङको आयोजनामा लक्ष्मीमार्ग स्थीत लक्ष्मी सामुदायीक वन क्षेत्रमा वृहत्तर वृक्षारोपण गरिएको छ ।

“सम्वृद्धिका लागी वन र स्वच्छ वातावरण” भन्ने मुल नाराको साथ विहिवार बिरुवा रोपेर राष्ट्रिय बृक्षारोपण दिवस मनाइएको हो ।

विगत पाँच वर्ष देखि निरन्तर रुपमा वृक्षारोपण गर्दै आएको लक्ष्मी सामुदायीक वन क्षेत्रमा हाल सम्ममा ११२ हेक्टर जमिनमा वृक्षारोपण गरीसकिएको र यस पटक १५ हेक्टरका वृक्षारोपण गर्न लागिएको लक्ष्मी सामुदायीक वनका अध्यक्ष लोक बहादुर बस्नेतले बताए ।

लक्ष्मी, सिर्जना र सिंहदेवी सामुदायीक वनले संयूक्त रुपमा सह आयोजकको रुपमा गरेको उक्त कार्यक्रममा १५ हेक्टर जमिनमा २५ हजार १ सय विरुवा रोपिने र जसमध्ये टिक १० हजार, मसला १० हजार, खयर ५ हजार र बाँसको विरुवा १ सय रोपिन लागीएको लक्ष्मी सामुदायीक वनका सचिव ज्ञानुराज राईले बताए । वृक्षारोपण भएको सबै क्षेत्रमा व्यवस्थीत कांडेतारको घेराबारा गरिएको छ ।

कार्यक्रममा स्कुल शिक्षण कार्यक्रम अन्तर्गत वक्तृत्वकला प्रतियोगितामा छानीएका छात्र छात्राहरुलाई पुरस्कार तथा प्रमाण पत्र वितरण गरीएको थियो । त्यसैगरी जिल्ला भरीका उत्कृष्ट सामुदायिक वन समुह र उत्कृष्ट कर्मचारीहरुलाई समेत पुरस्कार र प्रमाणपत्र वितरण गरीएको इलाका वन अधिकृत भाउन्नेका प्रमुख तुलसीलाल यादवले बताए ।

कार्यक्रममा प्रमुख अतिथिका रुपमा बेलवारी नगर प्रमुख ज्ञानेन्द्र सुवेदी र बिशिष्ट अतिथिका रुपमा वन मन्त्रालयका उप सचिव पुर्णेश्वर सुवेदीको उपस्थिति थियो ।

2,395 total views, 2 views today

तपाईको प्रतिक्रिया