Samyentra Dot Com

गृहपृष्ठ » देश/राजनीति, मुख्य खबरसिन्धुलीगढीमा अंग्रेजलाई हराएको २५० औं विजयोत्सव मनाइंदै

सिन्धुलीगढीमा अंग्रेजलाई हराएको २५० औं विजयोत्सव मनाइंदै

November 9, 2017८७ पटक

 काठमाडौं / ऐतिहासिक सिन्धुलीगढीमा तत्कालीन ब्रिटिस कम्पनीको सेनालाई पराजित गरेको दिनको सम्झनामा सिन्धुलीगढीमा यही कात्तिक २४ गते मनाइने विजयोत्सवको तयारी पूरा भएको छ ।
समृद्ध सिन्धुली अभियानले कमलामाई नगरपालिकासँग मिलेर विजयोत्सवका अबसरमा काठमाडौंदेखि सिन्धुलीगढीहुँदै सिन्धुलीमाढीसम्म साइकल यात्रा गर्ने भएको छ ।  बिजयोत्सवका बेला सिन्धुलीगढीलाई राजधानीसँग जोड्न साइकल यात्रा गर्न लागिएको हो । यस बर्ष गढीयुद्धमा  विजय हासिल गरेको २५० बर्ष पुग्दैछ । ऐतिहासिक सिन्धुलीगढीमा तत्कालीन गोर्खाली सेनाले वीरता प्रदर्शन गरेको विजयोत्सवलाई भब्य बनाउन अभियानले ‘राइड टु सिन्धुलीगढी’ नाममा साइकल यात्रा र त्यही दिन साँझ सिन्धुलीमाढीमा विजयोत्सव साङ्गीतिक समारोह गर्न लागेको अभियानले जानकारी दिएको छ ।
यस बर्षको विजयोत्सव भब्य बनाउने एक बर्षदेखि तयारी गरिएको थियो । विजयोत्सवका कार्यक्रममा राष्ट्रप्रमुख तथा उपप्रमुख दुवैजनाको सहभागीता हुने भएको छ । साइकल यात्रा तीनकुनेबाट सुरु हुनेछ । यात्राको उद्घाटन उपराष्ट्रपति नन्दबहादुर पुन पासाङले गर्नुहुनेछ । सिन्धुलीगढीमा मनाइने विजयोत्सवमा राष्ट्रपति विद्या भण्डारी प्रमुख अतिथिका रुपमा सहभागी हुनु हुनेछ । अभियानका संयोजक लीलानाथ घिमिरेले सिन्धुलीगढीलाई विश्वसामु चिनाउन साइकल यात्रा आयोजना गरिएको बताए । ‘हामीले हरेक बर्ष गरिने साइकल यात्रालाई अन्तराष्ट्रिय स्तरको बनाउने प्रयास गरेका छौं । ‘राइड टु सिन्धुलीगढी’ नाममा ब्रान्डिङ गरेर यस यात्रामा विश्वभरिका साइकल यात्रामा रमाउन चाहनेहरुलाई सहभागी गराउने योजना छ’ घिमिरेले भने, ‘यसलाई राइड टु सिन्धुलीगढी नाममा ब्रन्डिङ गरेका छौं । यस बर्ष विदेशीसमेत साइकल यात्रामा सहभागी हुँदैछन् ।
सुनकोशीको तिरैतिर भएर जाने बनेपा–सिन्धुली–बर्दिबास सडकमा साइकलयात्रा निकै रोमाञ्चक हुने छ । सुनकोशी तिरैतिरको रमणीय दृष्य हेर्दै नागबेली सडकमा यात्रा गर्नुको आनन्द बेग्लै हुने गत बर्ष साइकल यात्रामा सहभागी भएकाहरुले बताएका छन् । यस साइकल यात्राको नेतृत्व प्रसिद्ध विश्व साइकलयात्री पुस्कर शाहले गर्दैछन् ।
यात्रामा १ सय १० जना साइकल यात्री सहभागी हुने साइकल यात्राका संयोजक सौरभ ढकालले जानकारी दिए । अभियानले एक बर्षअघि अनलाइनबाट सहभागी हुन चाहनेहरुलाई दर्ताका लागि आह्वान गरेको थियो । ढकालका अनुसार साइकलयात्रा कात्तिक २३ गते सुरु छ । ‘साइकल यात्रीहरु खुकोर्टमा बास बसेर भोलिपल्ट सिन्धुलीगढीमा हुने विजयोत्सवमा सहभागी हुनेछन्,’ ढकालले भने ‘त्यहाँबाट माढी झरेर उनीहरु विजयोत्सव सांगितिक साँझमा रमाउने छन् ।’ साइकल यात्री काठमाडौंबाट झण्डै १ सय ५३ किलोमिटर यात्रा तय गरेर सिन्धुलीमाढी पुग्ने ढकालले जानकारी दिए ।
सांगितिक समारोहमा स्थानीय कलाकारले विभिन्न जातजातिका भेषभुषा, नृत्य, संस्कृति प्रदर्शन गर्ने अभयिानका अभियन्ता दीपक श्रेष्ठले जानकारी दिए । उनका अनुसार त्यहाँ होटल ब्यवसायीले खाना महोत्सवसमेत गर्नेछन् । दुई दिनको यात्राले थाकेका यात्रीलाई साङ्गीतिक मनोरञ्जन लिँदै खानपिनको आनन्द लिन पाउने ब्यवस्था त्यहाँ गरिने भएको छ ।
यात्रुको सुविधाका लागि आयोजकले खाने, बस्ने, बीमा, एम्बुलेन्सहितको मेडिकल टिम, स्वयंसेवकहरु, साइकल मेकानिक्सहरुको ब्यवस्था गरेको अर्का अभियन्ता भुवन थापाले बताए ।
साइकल यात्रामा नेपाल पर्यटन बोर्ड, फास्टफुड एसोसिएसन नेपाल, सानो पाइला, दमौली युनेस्को क्लव, शिवाकोटी ब्याग, राष्ट्रिय बीमा संस्थान, हिलटप जुनार बचत तथा ऋण सहकारी, परिवर्तन खबर डटकम, होलिभिजन स्कुल, सिन्धुलीय श्रेष्ठ समाज, म पानी, टिभिसी, सुलभ बचत तथा ऋण सहकारी, सगुन डटकम, सुस्मित इन्टरनेशन, सडक बोर्ड नेपाल, सिन्धुलीगढी प्रोसेस्ड ड्रिकिङ वाटर, बोन्टी हिमालयलगायतका संस्थाले आर्थिक÷भौतिक सहयोग गरेका छन् ।
उद्योग बाणिज्य संघ सिन्धुलीले सिन्धुलीको सांगितिक महोत्सवको संयोजन गर्नेे छ ।
यस्तै बाटोमा पर्ने बनेपा नगरपालिका, रोशी गाउँपालिका, सुनकोशी गाउँपालिका, गोलंजोर गाउँपालिका, कमलामाई नगरपालिका र निर्माण ब्यवसायी संघले साइकल यात्रीलाई खाना÷खाजा खुवाउने छन् । होटल ब्यवसायी संघ, सिन्धुली र खुर्कोटले यात्रुलाई बासको ब्यवस्था मिलाएका छन् । सिन्धुली रेडक्रसले यात्रा अबधिभर एम्बुलेन्सको ब्यवस्था गर्ने छ ।
नेको इन्स्योरेन्सले साइकल यात्रामा जाने सबैको बीमा गरिदिएको छ ।  युवापोष्ट डटकम, द मोन्टाज, नेपालको रेडियो, नेपाल कनेक्सन लगायतले प्रचारप्रसारमा सघाएका छन् । नेपाल माउन्टेनबाइक, नेपाल साइक्लिङ एसोसिएसन, हनी गाइड, साउथ होल टे«क्सलगायतले प्राविधिक रुपमा सहयोग गरेका छन् । काठमाडौंमा हुने साइकल यात्रा उद्घाटन समारोहको ब्यवस्थापन लाइन्स क्लव अफ काठमाडौं पल सिटीले गर्नेछ । यात्राको क्रममा बाटोमा पर्ने दर्जनौं संघसंस्थाले भब्य स्वागत गर्ने तयारी गरेका छन् ।
हाम्रो अभियानमा सहयोग गर्ने सम्पूर्ण संघसंस्था, ब्यक्ति, समुहलाई हामी हार्दिक धन्यवाद दिन चाहन्छौं । साइकल यात्रालाई सफल बनाउन आआफ्नो क्षेत्रबाट सहयोगका लागि सम्पूर्ण पत्रकार मित्रहरुसँग हार्दिक आग्रह गर्दछौं ।
प्रतिकृया दिनुहोस्
Ad

पछिल्ला सामग्री

Generic selectors
Exact matches only
Search in title
Search in content
Search in posts
Search in pages
Filter by Categories
Uncategorized
अन्तरबार्ता
आर्थिक / कृषि, सहकारी
कला/संगीत
कृषि/सहकारी
खाडी मुलुक
खेलकुद
ग्यालरी
देश/राजनीति
न्युज
पुर्वी नेपाल
प्रबिधि
प्रवास
फिचर स्टोरी
बिचार
बिशेष
भिडियो
मनोरञ्जन
मुख्य खबर
मोडेल फेस
विदेश/रोचक
विविध
सम्पादकीय
साहित्य
Ad
Ad