Samyentra Dot Com

गृहपृष्ठ » मुलुकझापामा १५ वर्ष पछि हत्यारा पक्राउ

झापामा १५ वर्ष पछि हत्यारा पक्राउ

August 1, 2017१६५ पटक

बनियानी (झापा) , साउन १७ गते । भुटानी शरणार्थीको हत्या गरी फरार एक अभियुक्तलाई १५ वर्षपछि प्रहरीले पक्राउ गरेको छ ।

गत २०५८ फागुन २६ गते झापा खुदुनाबारी शिविर सेक्टर नम्बर एक हट नं ३१ का सन्तबहादुर अधिकारीलाई खुकुरी प्रहार गरेर हत्या गरी फरार भएका ताप्लेजुङ आम्वेगुदिन–५ का भीमबहादुर भट्टराईलाई प्रहरीले १५ वर्ष पाँच महिनापछि पक्राउ गरेको इलाका प्रहरी कार्यालयका प्रहरी नायब निरीक्षक केशवकुमार थेवेले जानकारी दिनुभयो ।

अभियुक्त भट्टराईलाई गत साउन ११ गते बिर्तामोड नगरपालिका–४ स्थित मुक्तिचोकबाट पक्राउ गरिएको प्रनाउ थेवेले बताउनुभयो ।

“फरार अभियुक्त खोजी अभियानअन्तर्गत भट्टराईको खोजी गरिरहेका थियौँ” , उहाँले रासससँग भन्नुभयो, “अभियुक्त बिर्तामोडमै रहेको भन्ने सूचना पाएपछि खोजतलास गर्दा समात्न सफल भयौँ ।”

मृतकका दाजु धनबहादुर क्षेत्रीले दिएको उजुरीका आधारमा भट्टराईलाई पक्राउ गरिएको प्रहरीले जनाएको छ । अभियुक्तलाई झापा जिल्ला अदालतबाट कर्तव्य ज्यान मुद्दामा म्याद थपसमेत गरी अनुसन्धान भइरहेको र मृतकका आफन्तलाई खोजी गरी सम्पर्कमा ल्याउने कार्य भइरहेको प्रहरीले जनाएको छ ।

यसरी भएको थियो हत्या

घटना गत २०५८ फागुन २६ गते बेलुका करिब २१ः३० बजेतिरको हो । ताप्लेजुङको साविक आम्बेगुदिन–५ घर भई झापा साविक खुदुनाबारी–७ हाल अर्जुनधारा–३ बस्ने ३८ वर्षीय ३८ भूपेन्द्र भनिने भीमबहादुर भट्टराईले बजारमा खुकुरी किने । उनले खुकुरी किनेपछि मादक पदार्थसमेत सेवन गरे । घरतर्फ जाँदा बाटोमा शिविरका लागि पानी तान्ने पम्प मेसिनको चौकीदार गरी बसेका शरणार्थी शिविरका सन्तबहादुर अधिकारी क्षेत्रीसँग टर्च लाइट मागे ।

अधिकारीले टर्च लाइट दिन इन्कार गरेपछि सामान्य विवाद भयो । विवादपछि सन्तबहादुरले भट्टराईलाई प्रहार गरे । रक्सीको मातले लठ्ठ भट्टराई आवेशमा आएर सन्तबहादुरलाई लछारपछार पार्दै करिब २० मिटर टाढा खुदुनाबारी–७ र ९ को सिमानामा पर्ने सुखानी खोलामा पु¥याई खुकुरीले निर्ममतापूर्वक टाउको, कुम तथा शरीरका विभिन्न भागमा प्रहार गरी हत्या गरे । हत्यापछि खुकुरीसमेत खोलामा फालेर उनी फरार भए ।

अपराधबाट उन्मुक्ति पाउने हेतुले मलेसिया, कम्बोडिया, भियतनामलगायतका देशमा बसी केही समयअघि घरमा आई बसोबास गरेको भन्ने सूचना पाएपछि प्रहरीले उनको खोजी गर्दा बिर्तामोडबाट पक्राउ गर्न सफल भएको हो । रासस

प्रतिकृया दिनुहोस्

Exact matches only
Search in title
Search in content
Search in posts
Search in pages
Filter by Categories
Uncategorized
अर्थ/बाणिज्य
आलेख
कला/संगीत
कृषि/सहकारी
खाडी मुलुक
खेलकुद
प्रबिधि
प्रवास
फिचर स्टोरी
बिशेष
भिडियो
मनोरञ्जन
मुख्य खबर
मुलुक
विदेश/रोचक
विविध
समाचार
समाज
सम्पादकीय
सम्बाद
साहित्य
स्वास्थ्य
हाइलाइट
Ad
Ad
Ad