स्थापनाको २४ औं बर्ष, नमूना स्कूल बन्दै शिक्षा सन्देश

बेलबारी । मोरङ बेलबारी २ लालभित्ति स्थित शिक्षा सन्देश इङ्लिस स्कूलले २४ औं स्थापना दिवस तथा अभिभावक दिवस बिभिन्न कार्यक्रमका साथ भब्य रुपले मनाएको छ ।
गत बुधबार अर्थात बैशाख ६ गतेका दिन गीत संगीत तथा बिभिन्न कार्यक्रमले स्क’ल दिनभर गुञ्जायमान बनेको थियो । निजि तथा आवाशीय विद्यालय अर्गनाइजेसन प्याब्सनका प्रदेश नम्बर १ का सचिव तथा प्याब्सन मोरङका पूर्व अध्यक्ष टीकाराम ढकालको प्र्रमूख आतिथ्यमा भएको कार्यक्रमको अध्यक्षता विद्यालय ब्यबस्थापन समितिका अध्यक्ष लक्ष्मणजङ थापाले गरेका थिए । शिक्षक शिवकुमार रुपाखेतीले सञ्चालन गरेको कार्यक्रममा विद्यालयका काउन्सिलर भुपाल बस्नेतले स्वागत मन्तब्य र कार्यक्रम संयोजक केशु बिरहीले मन्तब्य राखेका थिए ।
त्यस्तै प्रिन्सिपल राजेश खत्रील विद्यालयको भावी योजना र रणनिति प्रस्तुत गरेका थिए ।
कार्यक्रममा सुकुना क्याम्पस विज्ञान संकाय प्रमूख हरिराम लिम्बु, रमिते सामुदायिक वनका अध्यक्ष पे्रम राइ, बागदेवी वनका अध्यक्ष फडिन्द्र थापा लगायत बिभिन्न संघ संस्थाका प्रतिनिधि तथा कलाकार र संचारकर्मीहरु समेतको आतिथ्यता थियो ।
अभिभावक र विद्यार्थीहरु समेतको उल्लेख्य उपस्थिति रहेको बार्षिकोत्सव समारोहमा गायक गायिकाहरु साजन राई, मेघराज कार्की र यमुना पराजुलीले बिभिन्न गीतहरु गाएका थिए ।
त्यस्तै कार्यक्रममा विद्यालयका विद्यार्थीहरुले पनि बिभिन्न नृत्यहरु प्रस्त’त गरेका थिए । समारोहकै अबसरमा विद्यालयका बिभिन्न कक्षाहरुमा उत्कृष्ट नतिजा ल्याउने छात्रछात्राहरुलाइ पनि पुरस्कार दिइएको थियो ।
स्थापना दिवसमा थपिए १ सय ८० विद्यार्थी
विद्यालयले स्थापना दिवसका अबसरमा नयाँ भर्ना हुने विद्यार्थीहरुलाइ भर्ना शुल्कमा बिषेश छुटको ब्यबस्था गरेको थियो । जस अनुसार स्थापना दिवसको दिन १ सय ८० जना नयाँ विद्यार्थी थपिएको प्रिन्सिपल राजेश खत्रीले जानकारी दिए । बेलबारी बजार क्षेत्रबाट सबैभन्दा धेरै विद्यार्थी थपिएको खत्रीले बताए । हाल कक्षा १० सम्म पढाइ भइरहेको स्कुलमा यसै शैक्षिक सत्रदेखि कक्षा ११ को पढाइ शुरु गर्ने तयारी भइरहेको उनले जानकारी दिए ।

यस्ता छन् स्कूलका बिषेशता
हुन त आर्थिक लगायतका कारण देखाउँदै थुप्रै विद्यार्थीहरु बोर्डिङ छाडेर सरकारी विद्यालयतिर जाने क्रम बढ्दो छ तर त्यसरी छाडेर जानेभन्दा आउने विद्यार्थीको संख्या बढी भएको दावी गर्छन् विद्यालयका शिक्षक केशु विरही । हाल नयाँ विद्यार्थी पनि थपिएपछि यस स्कुलमा विद्यार्थीको संख्या एक हजार पुगेको विद्यालयले जनाएको छ । विद्यालयमा हाल ४० जना शिक्षक तथा कर्मचारी छन् ।
१० कठ्ठा क्षेत्रफलमा रहेको स्कलका ४ वटा भवनमा ४० भन्दा बढी कक्षाकोठा छन् भले स्कुल परिसरभित्रै क्याटिनको समेत ब्यबस्था छ । मन्टेश्वरी लगायतका नयाँ नयाँ प्रविधिलाइ अपनाइएको र प्रतिस्पर्धाबाट शिक्षक छनोट गरिने भएकोले दक्ष शिक्षकहरुबाट पठनपाठन गरिने दावी गर्ने गरेको विद्यालयले २ वटा स्कुल बसबाट विद्यार्थीहरुलाइ सेवा दिइरहेको छ ।
लालभित्ति आसपास लगायत बेलबारीको दक्षिणी क्षेत्र कसेनी,धरहरा, त्यस्तै नेताचोक, हरैंचा, केराबारीको देवीझोडा, कुसुमे घँघरु, खयरघारी, बेलचौरी र लेटाङको फडानीसम्मका विद्याथीहरु विद्यालयमा अध्ययन गरिरहेको विद्यालयका काउन्सिलर भूपाल बस्नेतले बताए ।– अम्बिका भण्डारी     संयन्त्र साप्ताहिक बाट

Leave a Reply

Your email address will not be published. Required fields are marked *