Samyentra Dot Com

गृहपृष्ठ » सम्बाद, हाइलाइटटिकट पाए भने सुन्दर हरैंचाको मेयरमा जित्छुु

टिकट पाए भने सुन्दर हरैंचाको मेयरमा जित्छुु

April 26, 2017३४०८ पटक

नवराज चापागाईं ब्यबशायिक, सामाजिक तथा राजनीतिक रुपमा खासगरी हालको सुन्दर दुलारी क्षेत्रमा चिर परिचित नाम हो । वहाँ हाल कोशी हरैचा उद्योग बाणिज्य संघको अध्यक्ष हुनुहुन्छ भने नेकपा माओवादी केन्द्रको निबर्तमान क्षेत्रीय संयोजक तथा पार्टीको केन्द्रिय आयोजक कमिटीको सदस्य पनि हुनुहुन्छ । २०३१ सालमा भोजपुरमा जन्मेका चापागाईं विद्यार्थीको रुपमा २०४९ सालमा पहिलोपटक विराटचोक आउनुभएको थियो ।

२०५८ सालमा स्थायी रुपमा बिराटचोक सरेपछि राइस मिल राखेर ब्यबशाय थाल्नुभएका चापागाईं हाल बिभिन्न ब्यबशायमा समेत संलग्न हुनुहुन्छ ।
चापागाईं २०४८ देखि २०५४ सालसम्म एमालेको सक्रिय कार्यकर्ता हुनुहुन्थ्यो । एमाले फुटेपछि मालेतिर लागेका चापागाईं बामदेव गौतम एमालेमा फर्कदा उता जानुभएन र २०५६ सालमा माअ‍ेवादीतिर लाग्नुभयो । त्यस समययता यहाँ निरन्तर माओवादीमै सक्रिय हसनुहुन्छ । स्थानीय तह निर्वाचनमा माओवादी केन्द्रको तर्फबाट सुन्दर हरैंचा नगरपालिकामा पमेयरका दाबेदार चापागाईंसँग पार्टीको सांगठनिक अवस्था तथा स्थानीय तह निर्वाचनमा पार्टीको तयारी, लगायत विषयमा सम्पादक अम्बिका भण्डारीले गरेको कुराकानी ः

चुनावी तयारी कस्तो चलिरहेको छ ?
चुनावभन्दा पनि हामी संगठन निर्माण र बिस्तारको चरणमा छौं । नयाँ संरचना अनुसार सुन्दर हरैंचा नगरपालिकाका १२ वटै वडामा माओवादी केन्द्रका वडा कमिटी निर्माण भइसकेका छन् । हाल टोल तथा सेल कमिटीहरु बनिरहेका छन् ।
सुन्दर हरैंचामा माओवादी केन्द्रको सांगठनिक अवस्था कस्तो छ ?
हरेक वडामा न्युनतम १ सय २५ सदस्यहरु रहेका छन् । सुन्दर हरैंचा नगरपालिका क्षेत्रमा ७ सय ४१ जना पार्टी सदस्यहरुको सदस्यता नवीकरण गरी जिल्लामा पठाइ सकिएको छ । ५ सय भन्दा बढी नयाँ सदस्यहरुको सदस्यता फारम भर्ने काम भइसकेको छ । साथै चुनावी अभियानलाई तीबता दिइएको छ । हामीले सुन्दर हरैचाका १२ वटै वडामा वडा अध्यक्ष लगायत सबै उम्मेद्धारहरुकोटंगो लगाइसकेका छौं ।
चुनाब जित्ने आधार चाहिं के छ ?
यो क्षेत्र विगतदेखि नै हो माओवादी केन्द्रको प्रभाव क्षेत्र हो । संविधानसभाको पहिलो निर्वाचनमा जितेको पनि हो । तर गत संविधानसभा निर्वाचनमा पार्टीमा आएको टुटफुट र बिभाजन, आन्तरिक एकताको कमी तथा कांग्रेस एमालेहरुले सृजना गरेको भ्रम चिर्न नसक्दा जित्न सकिएन तर अहिले माओवादीहरुको एकता भएको, जनाताले अहिलेका एजेण्डा माओवादीका एजेण्डा हुन् भनी बुझेको,संगठन पनि सुदृढ भएको र सरकारका काम पारबाहीबाट जनता प्रभावित पनि भएकोले अब चुनाव जितिन्छ ।
तपाईं पनि मेयरको उम्मेद्धार बन्ने दौडमा हुनुहुन्छ , तर वडा अध्यक्षहरुको मात्र उम्मेद्धारी घोषणा भयोे किन ?
देशब्यापी उम्मेद्धार घोषणा गर्ने क्रममा शनिबार सबै उम्मेद्धार घोषणा गर्ने तयारी भइसकेको थियो तर कांग्रेस एमालेले मेयर उपमेयर घोषणा नगरेकोले वडाका उम्मेद्धारहरुको मात्र घोषणा गरिएको हो । हामी पर्ख र हेर को अबस्थामा छौं ।
मेयरमा तपाईंको उम्मेद्धारी चाहिं किन ?

सुन्दर हरैंचाबाट पार्टीले म सहित ७ जनालाई सिफारिस गरेको छ । जसमा लता न्यौपाने, कुमारी राइ,राजकुमार तामाङ,चिरन्जिवी रिजाल, मित्रसेन योञ्जन र राम न्यौपानेको नाम सिफारिस गरेको छ तर म मेयरको उम्मेद्धार बन्नेमा विश्वस्त छु ।
पहिलो कुरा त हालको संरचना माओवादीकै कारणले संभव भएको हो भन्ने कुरा वनताले बुझेका छन् । त्यसैले पनि जनताले माओवादीलाइ भोट दिन्छन् । त्यस आधारमा पनि मेरो उम्मेद्धारी हो ।
अर्को कुरा मैले उद्योग बाणिज्य संघमा रहेर लामो समय बिभिन्न सामाजिक कामहरु गरेको छु । ब्यापारी तथा ब्यबशायीहरुसँग राम्रो सम्बन्ध छ । म हाल पनि उद्योग बाणिज्य संघको अध्यक्ष भएको र ब्यापारी तथा ब्यबशायीहरुको परिवारबाट ९ हजारभन्दा बढी मतदाता भएकोले म मेयरमा उठ्दा चुनाब जित्छु ।
अन्त्यमा, स्थानिय चुनावमा अन्य दलहरुसँग सहकार्य हुने संभावना कत्तिको छ ?
हालसम्म तालमेलको संभावना देखिएको छैन । पार्टी एकढिक्का भएको र उम्मेद्धारी चयनमा हाम्रो पार्टीमा अरु दलहरुमा झैं समस्या नभएकोले पनि त्यसको तयारी भएको छैन तर चुनाबको मिति पनि सरेकोले गृहकार्य गर्ने समय थपिएको छ । त्यसैले सम्मानजनक पद पाएमा कुनै दलसँग सहकार्य हुन पनि सक्छ ।

प्रतिकृया दिनुहोस्

Exact matches only
Search in title
Search in content
Search in posts
Search in pages
Filter by Categories
Uncategorized
अर्थ/बाणिज्य
आलेख
कला/संगीत
कृषि/सहकारी
खाडी मुलुक
खेलकुद
प्रबिधि
प्रवास
फिचर स्टोरी
बिशेष
भिडियो
मनोरञ्जन
मुख्य खबर
मुलुक
विदेश/रोचक
विविध
समाचार
समाज
सम्पादकीय
सम्बाद
साहित्य
स्वास्थ्य
हाइलाइट
Ad
Ad
Ad