Samyentra Dot Com

गृहपृष्ठ » अर्थ/बाणिज्य, कृषि/सहकारीपशुको विकास गर्न गम्भीर छिन रे पशुमन्त्री

पशुको विकास गर्न गम्भीर छिन रे पशुमन्त्री

March 26, 2016३७६ पटक

चितवन। पशुपंक्षी विकास मन्त्री शान्ता मानवीले नेपालमा पशुको व्यवस्थापन ठूलो चुनौतीको रुपमा रहेको बताएकी छन् ।

चितवनमा राष्ट्रिय व्यावसायिक पशुपालन तथा दुग्ध उत्पादक कृषक समाजको शुक्रबारदेखि सुरु प्रथम राष्ट्रिय साधारणसभामा बोल्दै उहाँले यसतर्फ आफ्नो पनि गम्भीर ध्यानाकर्षण भएको जनाइन् ।

सरकारले अहिले पशुपालन व्यवसाय विकासका लागि ४० बुँदे प्रतिबद्धतापत्र सार्वजनिक गरिसकेको  स्मरण गराउदै उनले बूढी भएका गाईको व्यवस्थापनमा ठूलो समस्या रहेको बताइन् ।

“यस्ता गाईलाई एउटा फार्म बनाएर राखी त्यसबाट मलमूत्र सङ्कलन गरेर कृषि उत्पादनमा लगाउन सकिन्छ,” मन्त्री मानवीले भनिन्, “अनि मरेपछि हाड, छालालगायतका अवशेष पनि उपयोग गर्न सकिन्छ, त्यसतर्फ ध्यान जानुपर्छ ।” मन्त्री मानवीले  गराइन् ।
मन्त्री मानवीलाई देशका विभिन्न जिल्लाबाट आएका किसानले पशुपालनका विषयमा ११ बुँदे मागपत्र समेत बुझाए । जसमा सहुलियत ब्याजमा ऋण दिनुपर्ने, अनुत्पादक पशुको व्यवस्थापन गर्नुपर्ने, मेसिनरी र भौतिक पूर्वाधारमा अनुदानको व्यवस्था गर्नुपर्ने, घाँसमा आधारित पशुपालनलाई प्रोत्साहन गर्नुपर्ने लगायतका माग रहेका छन् ।

मागपत्र ग्रहण गरेपछि मन्त्री मानवीले किसानका माग जायज भएको प्रतिक्रिया दिँदै एक वर्षमा अन्डा, दुई वर्षमा दूध र तीन वर्षमा मासुमा आत्मनिर्भर हुने गरी अघि बढ्न किसानलाई आग्रह गरिन्।

यसैबीच शुक्रबार नै समाजले पत्रकारितामार्फत पशुपालन तथा दुग्ध व्यवसायमा महत्वपूर्ण योगदान दिएको भन्दै चितवनका राससकर्मी नारायण ढुङ्गानासहित नौ जना पत्रकारलाई सम्मान गरेको थियो ।

यस्तै विभिन्न क्षेत्रमा क्रियाशील किसानलाई समेत सम्मान गरिएको थियो । भेलामा देशका ४० जिल्लाबाट किसान सहभागी भएका थिए । रासस

प्रतिकृया दिनुहोस्

Exact matches only
Search in title
Search in content
Search in posts
Search in pages
Filter by Categories
Uncategorized
अर्थ/बाणिज्य
आलेख
कला/संगीत
कृषि/सहकारी
खाडी मुलुक
खेलकुद
प्रबिधि
प्रवास
फिचर स्टोरी
बिशेष
भिडियो
मनोरञ्जन
मुख्य खबर
मुलुक
विदेश/रोचक
विविध
समाचार
समाज
सम्पादकीय
सम्बाद
साहित्य
स्वास्थ्य
हाइलाइट
Ad
Ad
Ad